Oté prof Tome 1

Vien azot, bann madam, bann messié la sossiété ! Vien azot oir bann gran débrouyar la vi koméla : Bann prof !

Vien azot kour dérièr le prof listoir trann fé son lespèrians, le prof jimnastik plïské for, le prof fransé tro kanon. Le Prof filo i an pé plï épï le prof langlé malfondé. Zot tout i batay kont sak i koné pa rien épï sak lé parèss !

Kestion kouraj, Zoro sanm Indiana Jones la pa zot kouzin malgré la monay i suiv pa sat James Bond. Zot la pa pèr konbat dann la foré, sétadir dann lissé. La minn zot i batay kont bann paké marmay lo kor lé bon.

Kan zot i ariv pï obout zot i sar ral in ti karang dann zot lespass azot : la sal bann prof ! La minn rant la mashine kafé i marsh pï, épï o moin 150 kayié po korijé po lo landomin, zot i majine in nouvo demin pou lédikassion san konté bann gayar lidé pou pass vakans. Ziska ministèr lédikassion i konsèy tout la bann lir liv-la : prof, zélèv, paran, famiy bann proféssèr, sak le plï for dann la klass, mové zélèv ossi. (fo oir zimaj di aou !)

Parlfèt, nï domann pardon bann proféssèr, sïrtou done pa mové not déssertin zélèv. Zot la pa gingn prépar zot dovoir akoz zot gromèr té malad !