JEDIMO DEVINET et Ti Pawòl Voyé

Un livre pour voyager dans le temps des « Jédimo » ou « Jeux de mots ». Des devinettes pour toute la famille afin de cogiter, de rigoler en phase avec la culture orale des temps passés. Ce livre pour s’amuser est enrichi des « vannes » qui ont bercé la jeunesse de bien des collégiens.

Mi on liv kréyòl avè Jédimo, Dèvinèt é Tipawòl voyé pou piti é gran pou yo plonjé adan jouwé kréyòl, adan mo kréyòl, adan kilti kréyòl, padavwa tousa sé nou é fò pa nou pèd sa !

An ka kwè pli moun jouwé avè kréyòl, pli moun dousiné avè kréyòl, pli moun kabéché avè kréyòl, pli moun enmé avè kréyòl pli kréyòl ké vin sa i dwèt yé : on lang a moun kréyòl…

Jédimo é dèvinèt té ka tonbé avan kont té mèt an wout. On jan pou paré kò a-w pou kouté kont. Yéééé krik…, Tim-tim…, Dlo doubout…, Dlo pann… Toutmoun konnèt séla-sa é moun té ka réponn ansanm-ansanm.  Ki isidan Gwadloup, ki dòt péyi kréyòl sé té an menm larèl a jouwé é mo toutmoun té yé. Andidan liv-lasa an désidé sanblé jédimo é dèvinèt ni sa ki ka plonjé an nannan a jédimo an tan dyab té tigason ni dòt ki pli fré, ki ka fèt avè tan ki ka pasé.

Ti pawòl voyé : Figi a-w mal monté kon lèskalyé a démon ! Sé pawòl konsa nou té ka di an lakou-lékòl pou té pé montré-w ou nonm ou fanm. Ti pawòl voyé adan liv-lasa, sé konparézon avè tou sa ou pé touvé.  Sé pawòl pou moun ri kè kontan.